(Sources: King County Public Health, CDC)


E i ai se tui puipuia mo le COVID-19?

O le Food and Drug Administration (FDA), ua fa’atagaina le fa’aaogãina faafuase’i o le tui puipuia muamua o le COVID-19. O le tele o nei tui o lo’o ûia ni su'esu'ega ma o le tele o lo’o faia ni su'ega fa’asoifua maloloina mo le sefulu afe o tagata sa ioe mo nei su'ega ina ia mautinoa e saogalemú ma aogã.

E limiti le aofa'iga o tui puipuia o le COVID-19 ole a amatalia pe'a taunu’u mai i le sitete o Uosigitone, ae le’i oo atu i le fa’aiuga o le tausaga 2020. E matou faamomoe ole a faateleina le manaomia ole tui ole Covid-19, ma e tatau ona avanoa nei tui i soo se tasi e manaomia ile taimi ole tau mafanafan ole 2021.


Ole a le Fa’atagana ole Fa’aaogã mo Fa'alavelave Fa’afuase’i? (Emergency Use Authorization EUA)

O le Food and Drug Administration (FDA) e fa’aaogaina le Emergency Use Authorization po’o le EUA’s i le taimi o fa’alavelave fa’afuase’i i le malo mo le sauniga oni auala avanoa auã le fa’ailoaina o se mana'oga fa’afuase’i e patino ilo tatou soifua maloloina. O le Fa’atagaga o le Fa’aaogã mo Fa'alavelave Fa’afuase’i e fa’atagaina le fa’aaogaina o nei auala ae le’i laisene atoatoaina.

O le EUA e fa’aaogaina mo su’esu’ega, mo masini ma togafitiga. O le FDA sa latou avatu le fa’amomoli i le EUA’s e fa’aali atu ai le fa’ama’i o le Anthrax, EBOLA, H1N1 ma isi lava fa’ama'i fa’afuase’i ole soifua malõlõina i le taimi ua tuana’i.

O fa’asinosinoga a le FDA e tatau ona fa’ataunu’uina mo le tui puipuia o le COVID-19 ina ia filifilia ai mo le EUA, fa’atasi ai ma le saogalemú ma la’asaga aogã ina ia nofo va’ava’aia ai ele vasega tuto’atasi o foma’i fa’apitoa.

Afai ae fa’atagaina e le FDA le tui mo se EUA, ole komiti faufautua tuto’atasi lona lua o le a iloiloina le saogalemú ma le aogã o nei tusitusiga. O lenei Komiti, ole Komiti Faufautua i Tui Puipuia (ACIP) o le a faia se filifiliga e fa’atatau i le tui pe fa’aaogãina . A filifilia loa, o le ACIP o le a avatu loa fa’asinomaga mo tagata faigaluega fa’afoma’i.

O le FDA ma le CDC o le a fa’aauau pea le va’ava’aia o nei tui puipuia i lona saogalemú ma lona aogã e o'o lava ina ua mae'a ona pasia.


E fa’apefea ona saunia le tui puipuia o le COVID-19 ma faia ni su’esu’ega mo le saogalemú ma le aogã?

O le fa'amuamua ole saogalemú ile tui. O tui puipuia uma lava o le COVID-19 e tatau ona uia ni su’esu’ega faigata ma la'asaga tãua ma auala fa’atapula’aina ina ia fa’atagaina ae le'i o'o atu e fa’aaogaina i totonu o Amerika. O nei auala e a’afia ai ni su’esu’ega sa faia mo ni tagata e sefulu afe, ma ua maua mai ai ni fa’amaumauga sa fa’apea ona va’ava’aia e le vasega tuto’atasi ole puipuiga o le saogalemu. O le a fa’atagaina ona fa’aaogaina pe a pasia su’esu’ega uma lava ma ûia auala ma'oti auã le saogalemú o ola o tagata. O le a nofo va’ava'aia fo'i tui mo le saogalemú o ê o le a faia nei tui.


E fa’apefea ona aogã le tui puipuia o le COVID-19?

O le tui puipuia o le COVID-19 o le a fesoasoani i o tatou tino e fa’amalosia o tatou alagatoto ma totoga auã le puipuia o i tatou pe a maua i le siama o le COVID-19. Afai e faia sou tui, o tatou tõtõga o le'ã saunia ni vaila'au fa’apitoa puipui ai ni inifeti ile tino pe afai ae tatou a’afia i le siama.


O a ni penefiti e maua ile COVID-19 tui?

E fesoasoani le tui ole COVID-19 e puipuia ai oe ile faama’i ae maise ni ma’i tigaina e mafua mai ile COVID-19.

  • E fesoasoani e puipuia oe ile faamasani o lou tino e tete’e ile faama’i e aunoa ma le maua o oe ile COVID-19 inifeti.

  • O fa’aa’oa’oga ua uma ona faia, ua fa’aalia mai ile taimi nei le tui ole COVID-19 e matua aoga tele ile puipuiga o tagata mai le COVID-19.

Ole COVID-19 tui ole a fesoasoani malosi ile taofia o lenei faama’i.

  • Fa’aaoga le ufi mata ma taofi le faatasitasi ma nisi, e fa’aititia ai le maua o oe ile faama’i, pe pesia ai nisi tagata, ae le’o lava nei auala. E fesoasoani tui puipuia i lou tino e sauniuni ai pe a maua oe ile faama’i.

  • Ole tuufaatasiga ole fai o tui puipuia ma fa’aaoga fautuaga mai le vaega ole Public Health e puipui ai oe ma nisi, ole a sili lea mo le puipuiga mai le COVID-19 mo le taimi nei.

  • Ise vaitimi oi le lumana’i e faia ai ni tui puipuia o tagata, masalo ole a le toe mana’omia ni puipuiga mo seisi COVID-19 pei ona iai ile taimi nei.


Fa’amata e a’afia oe i le siama po’o le fa’ama’i o le COVID-19 pe a fai sou tui puipuia o le COVID-19?

E leai, o le tui puipuia o le COVID-19 e le o se mafua'aga lea o le inifeti o le COVID-19. O le tui puipuia o le COVID-19 ole fa’aa’oa’oina o tatou tino ia mafai ona puipuia i tatou mai i le fa’atama'ia e le siama. I le tagataga’i ane i le tui o le mRNA (e pei ole Pfizer and Moderna ma a latou tui) o lo’o puipuia ai tatou mai le fausiaina o ni polotini e fafagaina ai o tatau alagãtoto ina ia 'aua lava ne’i fa’aaogãina ni vaega o le siama o le COVID-19.

E mafai ona iai ni ãuga fa’aalia pei o le tigã o le ulu, lima tigã, maualuga lou fiva, toe tino gagase ma vaivai ise aso e tasi pe lua pe'a uma ona faia lou tui. O nei ãuga fa’aalia e te maua ai ise taimi pu’upu’u ae o fa’ailoga ia o le tui o lo’o taumafai e a’oa’o o tatou tino e gaosia ni vaila’au e tete’e atu mo tatou. O nisi mea e maua ai le tino, e tai tutusa ma auga ole faama’i ole COVID-19, ae le tutusa ma le inifeti. E talafeagai lava lenã ae le’o se a’afiaga o le siama o le COVID-19.


O le a lenei tui o le mRNA ae fa’apefea fo’i lona aogã?

E lua ni tui puipuia muamua o le COVID-19 sa gausiaina ini au upega fou ma sa fa’aaogaina ai le mRNA ma e le’o iai se siama o le COVID-19. O tui o le mRNA o le “ata fa’ata’atia o molekula” sa a’oa’oina o tatou musele ina ia gaosiaina ni polotini. Afai ae faia sou tui, o le a fa’atonutonu e le mRNA o tatou musele ina ia fausiaina nei polotini o lo maua i le pito i luga o le siama o le SARS-CoV-2. O nei polotini o le a galulue e fa’ate’iina o tatou musele ina ia maua e o tatou tino ni mea e puipuia ai i tatou.

O le tui o le mRNA e le’o maua ai se siama pe sa fausiaina e maua ai se siama. A’o lena fo’i, e le’i fausiaina e maua ai tatou i le a’afiaga o le COVID-19. A’o lenei, e pei lava o isi tui, e i ai tagata o le a iai ni uiga fa’aalia o le a a’afia ai mo se aso e tasi pe lua fo’i, pei o mea tigã i le nofo'aga sa tuiina, vaivai pe gagase, tigã o le ulu ma le maualuga o le fiva.

O le mRNA e lê ui i totonu o niukilia po’o tatou musele po’o totonu fo’i o tatou DNA po’o tatou gafa fa'avae. O le taimi lava e uma ai ona faia galuega a le mRNA mo tatou musele, o ni vaila’au fa’apitoa o le a fa’asalalauina i totonu o tatou tino o le a fa’atama'iaina le mRNA ma o le a le toe maua ai i totou o tatou tino.


O ãfea ou te mauaina ai le tui puipuia o le COVID-19?

O le tui puipuia o le COVID-19 o le a taunu’u mai i le sitete o Uosigitone i se aofa’iga fa’atapula'aina ae le’i uma le tausaga 2020. Talu ai ona o nei tui e lê lava, o le'ã fa’atulagaina lona fa’asoasoaina e le Washington State Department of Health, ma avea ni faufautuaga a le CDC’s Advisory Committee on Immunization Practices 9ACIP) ma o latou ta’ita’i i le tufatufaina o tui. E limiti tagata o le a mauaina i le vaiaso muamua, o le a avatu mo tagata o lo’o maualuga a’afiaga o le fa’ama’i, ma ê o lo’o faigaluega i galuega fa’afoma’i, ae le gata i lea, o tagata o lo’o nonofo ma faigaluega i totonu o fale mo ni Tausiga o ni ma’i ile taimi umi lava.

Ae alualu lava, o le tui puipuia o le COVID-19 o le a avanoa mo le lautele o tagata i le tausaga 2021. O tagata nu’u uma lava e a’afia gofie i le siama o le COVID-19 po’o isi fa’ama’i, o’i latou nei o le a ave iai le fa’amuamua, pei o tagata matutua o lo’o a’afia gofie, o tagata faigaluega fa’apitoa e a’afia vave i le siama o le COVID-19 ma tagata 65 tausaga ma sili atu. E i’u a ina maua le tui mo so’o se tasi e mana’o ai.

Taga’i ane ile Video mo le fa’amalamalamaina o le fa’asoasoaina o le tui puipuia o le COVID-19.


E mafai ona ou filifili ile ituaiga tui ole COVID-19 e faia mo a’u?

Ile taimi nei, e leai. Ona e limiti le aofaiga o tui puipuia o loo faatali, ma e fa’aauau pea lea tulaga mo ni vaiaso poo ni masina, o lona uiga e na’o taitasi lava tui puipuia e maua i nei fale. E eseese lava fale e fai ai tui puipuia pe a maua. Ole tulaga la o iai nei, ole a limiti tui puipuia e maua, aua ole a tele nisi vaega e faasoa ai nei tui, ae maise vaega o loo tele ai ni fa’aetetega mo ni masina oi luma. A faateleina ni tui puipuia e maua, ole a mafai e tagata ona iai nisi filifiliga ile mea e fai ai a latou tui.


E fia le tau o le tui puipuia o le COVID-19?

E leai se tau mo le tui puipuia o le COVID-19. O lenei tui o le a totogiina e le polokalama a le Medicare ma le Medicaid po’o inisiua o lo’o totogiina e le tagata lava ia ae o le tau o le tui mo e leai ni inisiua o le a avanoa e leai se totogi ia te’i latou.

Atonu e i ai se totogi ete faia pe a e alu atu e va'ai le foma’i, e fuafua mai i lau lava inisiua poo le foma’i o le a e va'aia.

O loo faia foi ni fuafuaga a le Public Health-Seattle & King County mo ni avanoa e fai fua ai ni tui puipuia. E faataua le tutusa o tufatufaga i fale talavai uma. O le a iai nisi fa’asalalauga atili pe afai ae o’o atu i le taimi lea o le fa’asoasoaina o tui.


E fia ni tui puipuia e tatau ona faia mo a’u?

Ole tui mole COVID-19 o loo maua ile taimi nei e tatau ona faia fa’alua, o le tui muamua e amata ai ona fuafuaina ai ni puipuiga ma o le tui lona lua e fa’alauteleina ai le puipuiga mo lou tino.

O lou tui lona lua e faia pe a uma aso e 21 poo le 28 talu ona fai lou tui, e fuafua lava ile ituaiga tui puipuia. E tatau ona tutusa le tui puipuia mo tui uma e lua. A fai lou tui muamua, ole a faailoa atu ia oe vaitaimi e tatau ai ona faia lou tui lona lua.